Հեղինակ՝ Սբ. Թերեզա Յիսուս Մանկան
Հրատարակչություն՝ «Ընդհանրական» Հրատ.
Տարեթիվ՝ 2012

Գրքի մասին. Թերեզ Լիզյոացի (ֆր.՝ Thérèse de Lisieux, վանական անունը՝ Սբ. Թերեզա Յիսուս Մանկան; հունվարի 2, 1873, Ալանսոն, Ֆրանսիա — սեպտեմբերի 30, 1897, Լիզյո, Ֆրանսիա)՝ միանձնուհի, Կաթոլիկ Սուրբ, չորս կանանցից մեկը պատմության մեջ, ով արժանացել է Եկեղեցու ուսուցչի կոչմանը։ Թերեզն ապրում էր վանական մեկուսի կյանքով, բայց մահվանից հետո դարձավ ճանաչված՝ իր հոգևոր ինքնակենսագրական գրվածքների շնորհիվ։ Ներկայացնում ենք այս  ինքնակենսագրական գրվածքների ժողովածուն:

Հեղինակ՝ Սուրբ Յոզեմարիա Էսքրիվա
Հրատարակչություն՝ «Ընդհանրական» Հրատ.
Տարեթիվ՝ 2010

Գրքի մասին. Ներկայացվում է Քսաներորդ դարի իսպանացի եկեղեցական մեծագույն գործիչներից Յոզեմարիա Էսքրիվա Դե Բալագերի (Josemaría Escrivá de Balaguer, «Օպուս Դեի» հիմնադիր, 1902-1975) ամենակարևոր երկերից մեկի արևելահայերեն առաջին թարգմանությունը: Պարունակում է ուսուցումներ քրիստոնեական կյանքի ամենատարբեր հարցերի վերաբերյալ: Գիրքը անգամ հրատարակվել է 1934 թ. Իսպանիայում, մինչև օրս թարգմանվել է գրեթե բոլոր գլխավոր լեզուներով և ունեցել է ավելի քան 470 հրատարակություն, ընդհանուր 4.906.050 տպաքանակով:

Հեղինակ՝ Էրմես Մարիա Ռոնքին
Հրատարակչություն՝ «Ընդհանրական» Հրատ.
Տարեթիվ՝ 2016

Գրքի մասին. Ավետարանական չորս գրքույկներում, որոնք առանց աճապարանքի, կենսական տարբեր պահանջների համաձայն գրի են առնվել սկզբի քրիստոնեական տարμեր համայնքներում, Մարիամի ներկայությունն անկասկած նշանակալի է: Թվով մոտ 152-ն են նորկտակարանյան այն տողերը, որ վերաբերվում են նրան: Մարիամի մասին խորհրդածությունը բացահայտում ու խորացնում է անձնական կապերը, որ կան Երանելի Կույսի և կյանքի ավետարանի միջև, բայց այդ կապերն իսկույն և նախևառաջ խոսում են Աստծո, Որդու և Հոգու մասին:

Հեղինակ՝ Մակարյան Ադամ քահանա
Հրատարակչություն՝ Մայր Աթոռ Սուրբ Էջմիածին
Տարեթիվ՝ 2011

Գրքի մասին. «Քրիստոնեության իսկությունը (գիտելիքներ հավատացյալներին)» գիրքը ներկայացնում է հոգևոր-եկեղեցական ոլորտին, կյանքի տարբեր ասպարեզներին առնչվող իրողությունների վերաբերյալ ուսուցումներ և բացատրություններ։ Բազմատեսակ հարցերին տրվում են կրոնական պատասխաններ՝ աստվածաշնչյան մեջբերումներով, Սուրբ Հայրերի գրվածքներից, Եկեղեցու պատմությունից քաղված տեղեկություններով, անտիկ և նորագույն շրջանի հեղինակների վկայակոչումներով։

Հեղինակ՝ Շատոբրիան, Ֆրանսուա Ռընե
Հրատարակչություն՝ Մայր Աթոռ Սուրբ Էջմիածին
Տարեթիվ՝ 2008

Գրքի մասին. Գրքի նպատակն է ապացուցել, որ այն բոլոր կրոններից, որոնք երբեւէ գոյություն են ունեցել, քրիստոնեական կրոնը ամենաբանաստեղծականն է, ամենամարդկայինը, ամենանպաստավորն ու օգտակարը ազատությանը, արվեստներին եւ գրականությանը: Չնայած աշխատության ջատագովական ոգուն` այստեղ տիրապետող է զգացմունքը, քանի որ Շատոբրիանն ավելի շուտ բանաստեղծ է, արվեստագետ ու հռետոր, քան բարոյագետ ու փիլիսոփա: Այն բովանդակում է քրիստոնեական վարդապետությունը եւ ընդգծում քրիստոնեական արժեքների մեծ կարեւորությունը:

Հեղինակ՝ Գէորգ Տէր-Վարդանեան
Հրատարակչություն՝ Մայր Աթոռ Սուրբ Էջմիածին
Տարեթիվ՝ 2012

Գրքի մասին. Գիրքը պարունակում է Հայաստանեայց առաքելական սուրբ Եկեղեցում գործածուած հնաւանդ ծիսարանի՝ Մաշտոցի բնագիրը, ըստ երկաթագիր հնագոյն ձեռագրերի եւ համեմատութեամբ Սուրբ Գրքի եւ ձեռագրական օժանդակ հարուստ նիւթի: Ունի յաւելուածներ՝ Քահանայաթաղի կանոնի լրացուցիչ երկու խմբագրութիւն, Մեռոնօրհնէքի կանոնի հին տարբերակը, «Կարգաւորութիւն օրհնութենաբեր ցուցակի» ցանկի համադիր բնագիրը, Աղօթք-քարոզների եւ սուրբգրական ընթերցուածների ցանկեր: