«Նպատակաուղղված կյանք» գրքի հեղինակն է Ավետարանական եկեղեցու հոգևոր հովիվ Ռիք Ուորենը: Այս գիրքը հազարավոր մարդկանց կյանքեր է փոխել, հրատարակվել է բազմամիլիոն օրինակներով ու քսանից ավելի լեզուներով: Հեղինակը գիրքը բաժանել է 40 գլուխների, որպեսզի ընթերցողը 40 օրվա ընթացքում մտածի կյանքի իմաստի ու մարդու նպատակի մասին: Այն հոգևոր ճանապարհորդության ուղեցույց է, որը հնարավորություն կտա ընթերցողին բացահայտել կյանքի ամենակարևոր հարցի պատասխանը:

Գիրքը առաջարկում է չորս առանձնահատկություններ արդյունավետ ընթերցման համար:  Յուրաքանչյուր գլխի վերջում կա հատված, որը կոչվում է «Մտածելով իմ նպատակի մասին»:
• Կետ, դրա շուրջ խորհելու համար: Դա ճշմարտության հատիկ է, որն ամփոփում է նպատակաուղղված կյանքի սկբունքը, որի շուրջ կարող ես մտածել օրվա ընթացքում: Պողոսն ասաց Տիմոթեոսին. «Այդ բանի վրայ մտածի՛ր եւ յարատեւի՛ր դրանում, որպէսզի քո առաջադիմութիւնը յայտնի լինի բոլորին» (Թիմ Ա, 4:15):
• Հատված հիշելու համար: Դա աստվածաշնչյան հատված է, որ ճշմարտություն է սովորեցնում այդ գլխից: Եթե իսկապես ուզում ես բարելավել կյանքդ, հիշելը Սուրբ Գրքից լավագույն սովորությունն է քեզ համար: Կարող ես այդ հատվածները փոքր քարտերի վրա գրել:
• Հարց դրա շուրջ խորհելու համար: Այդ հարցերը կօգնեն քեզ խորհելու կարդացածիդ մասին, և թե ինչպես է դա անձնապես քեզ վերաբերում: Թույլ տուր խրախուսեմ քեզ՝ գրելու քո պատասխանները այս գրքի լուսանցքներում կամ նոթատետրում: Մտքերդ գրելը դրանք պարզաբանելու լավագույն տարբերակն է:
• Քննարկման հարցեր: Կոչ եմ անում մեկ կամ մի քանի ընկերների մղել միանալ քեզ՝ կարդալու այս գիրքը հաջորդ 40 օրերին: Ճանապարհորդությունը միշտ ավելի լավ է, եթե այն միասին են գնում: Ընկերոջ կամ ընթերցող փոքր խմբի հետ կարող ես քննարկել կարդացածդ, և միասին քննարկեք ձեր գաղափարները: Դա կօգնի քեզ ավելի ուժեղ լինել և հոգևոր հասունության գնալ: Իրական հոգևոր աճը երբեք մեկուսացված, անհատական նպատակ չէ: Հասունությունը առաջանում է հարաբերությունների և համայնքի միջոցով:

Ձայնագրությունը և հայերեն տարբերակը պատրաստել է Ռադիո Մարիամը: