ԱՂՕԹՔ՝ ՍՈՒՐԲ ՅՈՎՍԷՓԻՆ

Մեր վշտերի մեջ, քեզ ենք դիմում, ո՛վ Սուրբ Յովսէփ: Մարիամի օգնութիւնը հայցելուց յետոյ, վստահութեամբ խնդրում ենք նաեւ քո պաշտպանութիւնը: Այն սիրոյ համար, որ քեզ միացրեց անարատ կոյսին՝ Աստուածամօր հետ, եւ այն հայրական սիրոյ, որ տածեցիր Յիսուս մանկան հանդէպ, խնդրում ենք քեզ, բարեհաճ աչքով նայի՛ր Յիսուս Քրիստոսի արեամբ փրկուած ժառանգութեանը եւ քո օգնութեամբ ու իշխանութեամբ հոգա՛ մեր կարիքները:

Ո՛վ աստուածային ընտանիքի պահապա՛ն, պաշտպա՛ն Յիսուս Քրիստոսի ընտրեալ սերնդի, հեռո՛ւ պահիր մեզանից, ո՛վ ամենասիրելի հայր, մոլորութեան ու մոլութեան ախտերը: Օգնի՛ր մեզ երկնքից, ո՛վ մեր զօրեղ ազատարար, խաւարի իշխանութեան դէմ մեր մղած պայքարի մեջ. եւ ինչպէս որ մանուկ Յիսուսի կեանքը մօտալուտ մահից ազատեցիր, այդպէս էլ հիմա Աստուծոյ Սուրբ Եկեղեցին պաշտպանի՛ր թշնամիներից ու ամէն հակառակորդներից:

Քո հովանաւորութեամբ պահպանի՛ր մեզ, որպէսզի քո օրինակով եւ քո օգնութեամբ զօրացած՝ կարողանանք ապրել սրբութեամբ, մեռնել բարեպաշտութեամբ եւ յաւիտենական երանութիւնը ստանալ երկնքում. Ամէն:

ԱՂՕԹՔ ՍՈՒՐԲ ՅՈՎՍԷՓԻՆ

Ողջո՛յն, Պահապան Փրկչի, Ամուսի՛ն Երանելի Սուրբ Կոյս Մարիամի, Աստուած Քեզ վստահեց իր Միածին Որդուն, Քեզ վստահությամբ հետեւեց Մարիամը, Քո կողքին Քրիստոս դարձաւ մարդ: Երանելի՛ Յովսէփ, մեզ համար եւս եղի՛ր հայր եւ Առաջնորդի՛ր մեզ կեանքի ճանապարհին: Մեզ համար ձեռք բե՛ր շնորհ, ողորմութիւն եւ քաջութիւն, Եւ պաշտպանի՛ր մեզ ամենայն չարից. ամէն:

Ն.Ս. Ֆրանցիսկոս Քահանայապետ

ԼԻԹԱՆԻԱ ՍՈՒՐԲ ՅՈՎՍԷՓԻ

Տէ՛ր, ողորմեա՛. Քրիստոս, ողորմեա՛:
Յիսուս, լո՛ւր մեզ, Քրիստոս անսա ՛մեզ:
Հայր երկնաւոր Աստուած, ողորմեա՛ մեզ:
Որդի Փրկիչ աշխարհի Աստուած, ողորմեա՛ մեզ:
Հոգի Սուրբ Աստուած, ողորմեա՛ մեզ:
Ս. Երրորդութիւն, Մի Աստուած, ողորմեա՛ մեզ:
Սրբուհի՛ Մարիամ, աղօթեա՛ վասն մեր:
Սո՛ւրբ Յովսէփ, աղօթեա՛…
Սո՛ւրբ Յովսէփ, փառաւոր որդի Դաւթի, աղօթեա՛…
Սո՛ւրբ Յովսէփ, լոյս նահապետաց, աղօթեա՛…
Սո՛ւրբ Յովսէփ, փեսայ Աստուածածին Կոյսի, աղօթեա՛…
Սո՛ւրբ Յովսէփ, անարատ պահապան Սրբոյ Կուսին, աղօթեա՛…
Սո՛ւրբ Յովսէփ, խնամակալ Աստուծոյ Որդու, աղօթեա՛…
Սո՛ւրբ Յովսէփ, նախանձաւոր պաշտպան Քրիստոսի, աղօթեա՛…
Սո՛ւրբ Յովսէփ, գլուխ սուրբ ընտանիքի, աղօթեա՛…
Սո՛ւրբ Յովսէփ, այր արդար, աղօթեա՛…
Սո՛ւրբ Յովսէփ, այր անբիծ, աղօթեա՛…
Սո՛ւրբ Յովսէփ, այր իմաստուն աղօթեա՛…
Սո՛ւրբ Յովսէփ, այր քաջ, աղօթեա՛…
Սո՛ւրբ Յովսէփ, այր հնազանդ, աղօթեա՛…
Սո՛ւրբ Յովսէփ, այր հաւատարիմ, աղօթեա՛…
Սո՛ւրբ Յովսէփ, հայելի համբերութեան, աղօթեա՛…
Սո՛ւրբ Յովսէփ, սիրող աղքատութեան, աղօթեա՛…
Սո՛ւրբ Յովսէփ, օրինակ աշխատողաց, աղօթեա՛…
Սո՛ւրբ Յովսէփ, փառք ընտանի կենաց, աղօթեա՛…
Սո՛ւրբ Յովսէփ, պահապան կուսանաց, աղօթեա՛…
Սո՛ւրբ Յովսէփ, նեցուկ ընտանեաց, աղօթեա՛…
Սո՛ւրբ Յովսէփ, մխիթարութիւն թշուառաց, աղօթեա՛…
Սո՛ւրբ Յովսէփ, յոյս հիւանդաց, աղօթեա՛…
Սո՛ւրբ Յովսէփ, պաշտպան հոգեվարաց, աղօթեա՛…
Սո՛ւրբ Յովսէփ, սարսափ դիւաց, աղօթեա՛…
Սո՛ւրբ Յովսէփ, պաշտպան Սուրբ Եկեղեցւոյ, աղօթեա՛…
Գառն Աստուծոյ, որ բառնաս զմեղս աշխարհի, խնայեա՛ ի մեզ Տէր:
Գառն Աստուծոյ, որ բառնաս զմեղս աշխարհի, անսա՛ մեզ Տէր:
Գառն Աստուծոյ, որ բառնաս զմեղս աշխարհի, ողորմեա՛ մեզ Տէր:

Կացոյց զնա տէր տան իւրոյ,
Եւ իշխան ի վերայ ամենայն ստացուածոց իւրոց:

Աստուած, որ ըստ անքնին խորհրդոց քոց ընտրեցեր զսուրբ նահապետն Յովսէփ ի փեսայ անարատ Մօր քո եւ Կուսի, տուր մեզ զի ջերմ եռանդեամբ մեծարելով զնա յերկրի, արժանի լիցուք բարեխօս ունել զնա առ քեզ յերկինս, որ կենդանի ես եւ թագաւորես ի յաւիտեանս. ամէն: