Վիկտոր Հյուգո – Քաղվածքներ
Վիկտոր-Մարի Հյուգո (ֆր.՝ Victor Marie Hugo, փետրվարի 26, 1802 — մայիսի 22, 1885), ֆրանսիացի բանաստեղծ, դրամատուրգ, արձակագիր, ակնարկագիր, տեսական արվեստագետ, քաղաքական գործիչ, մարդկային իրավունքների ակտիվիստ և ֆրանսիական ռոմանտիզմ շարժման առաջնորդ։ Հյուգոյի ստեղծագործություններից մեծ ժողովրդականություն են վայելում հատկապես «Փարիզի Աստվածամոր տաճարը» (Notre-Dame de Paris, 1831 թ.) և «Թշվառները» (Les Misérables, 1862 թ.) վեպերը: Թատրոնում նա առաջադրում է ռոմանտիկ դրամայի տեսությունը իր «Կրոմվելի» առաջաբանում: Նրա բազմաժանր ստեղծագործության մեջ կան նաև քաղաքական երանգներ ֆր.՝ Chambre des pairs, l’Assemblée constituante և l’Assemblée législative: Վիկտոր Հյուգոն մեծ ներդրում է կատարել ֆրանսիական պոեզիայի և թատրոնի բնագավառներում, ներշնչվելով իր ժամանակակից, այդ թվում՝ արևելյան գրողներից:
Ներկայացնում ենք Վիկտոր Հյուգոյի խորը իմաստներով ներշնչված քաղվածքները.
- Ձեր հնամենի լեզուն ես չգիտեմ, բայց սիրում եմ այն։ Դրա մեջ արևելքն եմ զգում, դարերն եմ նշմարում այնտեղ, տեսնում եմ անցյալի խորհրդավոր նշույլի շողարձակումը։ Ինձ համար պարծանք է հայերեն թարգմանվելը։
- Մենք ծնվում ենք ճիչով, մահանում` հառաչանքով: Մնում է միայն ապրել ծիծաղով:
- Մահանալ` դա ոչինչ: Սարսափելի է չապրելը:
- Ցանկանալը քիչ է, հարկավոր է կարողանալ։
- Աստված կնոջը սքանչելի արարեց, իսկ սատանան նրան սիրունիկ դարձրեց։
- Իմաստուն մարդը տարիք է առնում, բայց չի ծերանում։
- Հույսը մարդկային հոգու ամենամեծ ուժը կլիներ, եթե չլիներ հուսահատությունը։
- Բանաստեղծն աշխարհն է՝ ամփոփված մի մարդու մեջ։
- Թագավորները գնում են, ժողովուրդները՝ մնում։
- Մեր արարքները կարող են մեզ հասցնել մինչև երկինք և հակառակը՝ խորտակել հիմնովին։ Մենք մեր արարքների երեխաներն ենք։
- Աղքատությունը ծնում է հեղափոխություն, հեղափոխությունը՝ աղքատություն։
- Ճամփորդել՝ նշանակում է ամեն րոպե ծնվել ու մեռնել: Կյանքի բոլոր երևույթները շարունակ փախչում են մեր առջևից: Նայում ես, շտապում, ձեռքերդ պարզում, որ բռնես այն՝ ինչ անցնում է. յուրաքանչյուր դեպք ճանապարհի ոլորապտույտ է. և մեկ էլ տեսար՝ ծերացել ես:
- Եղեք ողորմած դժբախտների նկատմամբ և եղեք ներողամիտ երջանիկների հանդեպ։
- Գիրք արարողը հեղինակն է, գրքի ճակատագիրը որոշողը՝ ընթերցողը։
- Մեծ խելքի առջև ես խոնարհում եմ գլուխս, մեծագույն սրտի առջև ծնկի եմ իջնում։
- Ինձ դուր է գալիս լինել հայտնի՝ դա երջանկություն է, սակայն ես ուզում եմ լինել պետքական՝ դա պարտք է։
- Մահը փոխակերպում է հավերժական լույսի։
- Քրիստոնեությունը պոեզիան ճշմարտության է առաջնորդում: Այդպես էլ ժամանակակից մուզան իրերը կտեսնի ավելի բարձր և լայն լույսի ներքո: Այն կհասկանա, որ ստեղծագործության մեջ ամեն ինչ մարդկայնորեն գեղեցիկ չէ, որ տգեղը գոյություն ունի գեղեցիկի կողքին, անկերպարը չքնաղի, չարը բարու, խավարը լույսի կողքին:
- Ամեն մարդ ունի երեք բնավորություն՝ առաջինը ինչ իրեն են վերագրում, երկրորդը՝ ինչ ինքն է իրեն վերագրում, և երրորդը՝ որ իրականում կա:
- Քաջ եղեք, որ մեծ ցավերն ու փոքրերը համբերատար լինեն, և երբ դուք լրջորեն կատարեցիք ձեր ամենօրյա խնդիրը, գնացեք քնեք խաղաղությամբ: Աստված արթուն է:
- Նա, ով չի բացում դպրոցի դռները՝ բացում է բանտը:
- Ոգեշնչումը և հանճարը նույնն են:
- Եթե մարդ կարող է ասել ինչ է սերը, ուրեմն նա երբեք չի սիրել:
- Փոխեք Ձեր կարծիքները, պահպանեք Ձեր սկզբունքները՝ փոխեք տերևները, պահպանեք արմատները:
- Ապագան ունի մի քանի անուն: Թույլերի համար անհնար է, վախկոտի համար դա անհայտ է, բայց համարձակ մարդու համար դա կատարյալ է:
- Մեծ սիրո արարքները կատարվում են այն մարդկանց կողմից, ովքեր սովորաբար կատարում են բարության փոքր գործեր:
- Կյանքի մեծագույն երջանկությունը այն համոզմունքն է, որ մեզ սիրում են, սիրում են իրենց համար, կամ սիրում են անկախ դրանից:
- Կան մտքեր, որոնք աղոթք են: Կան պահեր, երբ անկախ մարմնի կեցվածք՝ հոգին ծնկի է ընկնում:
- Ուրիշին սիրել նշանակում է Աստծո դեմքը տեսնել:
- Ոչինչ այնպես չի նպաստում ապագայի ստեղծմանը, որքան համարձակ երազանքները: Այսօր դրանք ուտոպիա են, իսկ վաղը ձեռք են բերում մարմին ու հոգի:
- Մարդկանց մոտ ուժի անբավարարություն գոյություն չունի, գոյություն ունի միայն կամքի անբավարարություն:
- Երբ մարդը կյանքի վերջին է մոտեցել, մեռնելը նշանակում է մեկնել, իսկ երբ կյանքի սկզբում է, մեկնելը նշանակում է մեռնել:
- Ստելը բացարձակ չարիք է: Քիչ ստել հնարավոր չէ. ով ստում է, ողջ սուտն է ասում, ստելը նույն ինքը սատանայի դեմքն է: Սատանան երկու անուն ունի` սատանա և սուտ:
- Ահա թե ինչպես են մարդիկ ապուշանում, որովհետև առանց Աստծու են իրենց հաշիվն անում:
- Ամեն մարդ Աստծուն պաշտելու իր ձևն ունի:
- Ամեն մի սուր երկսայր է, ով վիրավորում է մի սայրով, վիրավորվում է մյուսով:
- Առաջին քայլը դատարկ բան է, դժվարը վերջին քայլն է:
- Ամենավսեմ բաները հաճախ ամենից վատ են հասկացվում:
- Ամենագեղեցիկ տաճարը աստծուն շնորհակալություն հայտնող դժբախտի մխիթարված հոգին է:
- Երբեք չվախենաք ոչ գողերից, ոչ մարդասպաններից: Դրանք արտաքին և փոքր վտանգներ են: Կարևոր չէ այն, ինչ սպառնում է մեր գլխին կամ քսակին: Մտածենք միայն այն մասին, որ սպառնում է մեր հոգուն:
- Գրքերն ապահով ու սառը բարեկամներ են:
- Ավա՜ղ, Աստված օդ է տալիս մարդկանց, իսկ օրենքը այն ծախում է:
- Բարի լինելը չափազանց հեշտ է։ Լինել արդարադատ. ահա թե ինչն է իրականում դժվար։
- Կարիքը ծնում է հոգու և մտքի հզորություն:
- Գերագույն ուժը ծնվում է ծանրագույն որոշումներից:
- Բավարար չէ երջանիկ լինել: Պետք է լինել ներդաշնակ ինքդ քեզ հետ:
- Ամուսնության մեջ իսկական անհավասարությունը հոգիների անհավասարությունն է:
- Աշխարհում չկա ավելի զորեղ բան քան միտքը, որի ժամանակն եկել է:
- Ես անտարբեր եմ թշնամու դանակի հարվածների հանդեպ, սակայն ինձ համար չափազանց տանջալի է ընկերոջ քորոցի հարվածները:
- Ծուլությունը՝ մայրն է, նա ունի որդի՝ գողությունը և դուստր՝ սովը:
- Մեր արարքները կարող են մեզ երկինք հասցնել և նաև նետել անդունդը: Մենք մեր գործերի զավակներն ենք:
- Ոչ մի արտաքին գեղեցկություն չի կարող ամբողջական լինել, եթե այն չի ապրում ներքին գեղեցկությամբ:
- Բախտը երբեք չի բացում մի դուռ՝ նույն ժամանակ չփակելով մեկ ուրիշը:
- Սիրո առաջին նշանը տղամարդկանց մոտ՝ անհամարձակությունն է, կանանց մոտ՝ համարձակությունը:
- Դուք տեսնում եք աստղը երկու պատճառով՝ որովհետև այն փայլում է և որովհետև այն անհասանելի է: Բայց Ձեր կողքին ավելի նուրբ փայլ է և ավելի խորը խորհրդավորություն՝ կին:
Թողնել պատասխան